حلم
حلمت أكون جواه نفس
ياخده ويكتمه
ما يطلعه...يمكن جواه ينحبس
لكن وغصب عني أدعي يطلعه
ونظرة حواليه يختلس
ساعتها أفرح...أفرح أوي
لأنه بيا...حس
**********************************
شوية رومانسية بمناسبة السنة الجديدة
أحلام هاربة
بقالي كتير جدا بعيد عن مدونتي وعارفة اني مقصرة معاها جامد إيقاع الحياة بقى سريع جدا..... لدرجة إن الواحد مبقاش فاضي يقعد مع نفسه ولو خمس دقايق .... بس رغم الايقاع السريع دا لسه جوانا أحلام ليها حق تاخد مساحة في خيالنا سواء كنا صاحيين او نايمين ..... أحلام مؤجلة مستحيلة أو قابلة للتحقيق ..... أحيانا يطغى عليك حلم على حلم تاني قديم ..... تهتم اوي بالحلم الجديد وتغذيه وترويه بالأمل والتفاؤل.... وفجأة تلاقي حلمك القديم بيلاعب أفكارك بس مش عشان ترويه لأ عشان تتحسر عليه لأنه بيضيع من بين ايديك ..... مش معنى انك تهتم بحلم جديد ان الحلم القديم يموت..... حاول توازن بين أحلامك عشان تحقق أكبر قدر منها
جميل اﻻحساس ده
ردحذفكل سنه وانتي طيبه
تحياتي
شكلها هتبقى سنة ..... بيضاااا :D
ردحذفمن ده كتير بقى
ردحذفاستمرى
وصف الاحساس
ردحذفكل سنة وانتى طيبة
ضياء
نرجو انها تكون سنة حلوة علينا كلنا