الثلاثاء، 26 أكتوبر، 2010

عجب عجاب




عجب عجاب
ما أقبح الحياه
عندما نعيشها فى ذل واغتراب
تمضي بنا الأيام
لا نرى من السحب سوى الضباب
نجري ونلهث...تعبث بنا الحياه
نرجو من الأمل اقتراب
تقسو علينا بلادنا
وتصب فوق رؤوسنا كل أنواع العذاب
لم يا بلادي..يا حبيبة عمرنا
تتركينا فى مهب الريح فى وسط الضباب
لم يا بلادي- قد عشقت ثراكي-
لم لا تردي جواب
فلقد نفيت -ياحبيبتي- منكي
بدون محكمة..بدون حساب
ألقوني ودموعي عليكي تنادي
ألقوني فى قارب من الأخشاب
شق قاربنا طريق الموت
بدون خارطة..بدون كتاب
عندما دنا الموت مني
قال سأتركك وآخذ الأحباب
كلهم ذهبوا..ماتوا..
جوعا ..وغرقا..واكتئاب
وبقيت وحدي أصارع الأمواج..تصارعني وتصفعني
وتارة تحنو ..تحاورني بهمس عتاب
لم يا رفيقي تركت دارك والأحبة والرفاق
لتخضع لسجون الذل والأغراب
فاعلم صديق الدرب مهما باعدت بينكما مسافات
فسوف تعود تذكرها وتدق إليها ألف باب
وهي ..لن تبخل عليك
فستجدها مفتحة لك الأبواب
وظللت أتحاور والأمواج..حتى لاح لي
فى الأفق شاطئ وبعض هضاب
وهناك..وبعد وصولي شاطئ الأوهام..شاطئ السراب
رأيت وجوها باردة بلا معنى بلا إحساس
وجوها لم أعرف لها دين ولا وطن ولا أنساب
وجوها لم تعرف معنى الإنسانية
ومعنى الحب بها قد غاب
وجوها أضاعت حلما بات ليال يؤنسني
مزقته خلال الأنياب
وفي نهاية المطاف..أعادوني إليكي بلادي..
مكبلا بقيود..بداخلي إعصار..
في نفسي بركان..بداخلي اضراب

الأربعاء، 20 أكتوبر، 2010

سكت الكلام




سكت الكلام والقلب ويا العقل تاه
والدنيا زحمة ..وفي الزحام مليون حكاية للحياة
مليون حكاية..وفي الحكاية ألف قصة وألف جرح وألف آه
احكي يا قلبي..وانتي يا عيوني ابكي ودمعي
احكي عن جرحي..واللي بشوفه وبسمعه
ولا أقولك..احكي عن الخنجر المدفون جوه في أَضلعِي


سكت الكلام والقلب ويا العقل تاه
والدنيا مطرة ..وفي المطر نغسل ذنوبنا
وفي المطر ..نشيل الكره من بين قلوبنا
ندعي بعزم ما فينا..ياربنا نور دروبنا
وفي المطر..ميبانش مين دامع ومين مجروح
كله لربنا بهمه يبوح
ماهو في المطر...باب السما مفتوح


سكت الكلام والقلب ويا العقل تاه
والدنيا ضيقة تضيق علينا
تطير النوم من عينينا
تبعتر الحلم اللي فكر في يوم..يشوف الضلمة نور
فكر في يوم.. يعدي كل البحار وكل الجسور
لكن يا عيني الحلم زي القلب تاه
ماهو أصله كان مركب ورق..وسابحة ضد الاتجاه



سكت الكلام والقلب ويا العقل تاه
والدنيا ضلمة...وفي الظلام يصرخ جوايا صوت
مخنوق..نفسه مني يفوت
لكن لو خرج مني...يمكن أموت
وفي الظلام..بصيت لاقيت ..شمعة بعييييييييد بتبصلي
بتقولي قومي واحلمي..لاقيت ايديها بتتمدلي
بتمدلي نور الأمل..وسط الظلام بتبدده ..تكشفلي ألوان الحياه


سكت الكلام والقلب ويا العقل تاه
الدنيا بحر بين شطين
في البحر توهنا....فرقتنا سنين
في البحر موجة...طوحتنا بعيد
وموجبة من بعد موجة...خلاص بقينا ليها عبيد
وفضلنا نصرخ ...ندور على بر أمان أو حتى قارب نجاه
لكن الدنيا زي ماهي بحر بين شطين..
شط فيه الموت وشط فيه الحياه
سكت الكلام والقلب ويا العقل تاه