الجمعة، 6 يناير، 2012

حلم الشهيد





لساك يا قلبي بتدور على الحلم
اللي مات جواك من مية سنة
لساك بتسأل مين أنا
لساك تتهته في الكلام
لساك بتحبي وفي المنام....
... تطير مع سرب الحمام
لساك يا حلم متداري في حضن الالم
لساك بتصرخ من سكات كما الصنم
لساك بتصرخ م الأنين...
وتقول كان يوم وعدا....وياه سنين
مشتاق يكون لك يوم صدا
تقسم برب الناس...مهما طال بيك المدى
لاجل التراب...هتموت فدا
هتموت عريس وفي حضنك الضحكة مستشهدة