لماذا أصبحنا شعب سرنجاتي؟؟

-




لماذا أصبح الشعب كله سرنجاتي
واسمحولي في اللفظ ده
أيوة سرنجاتي
أي يتعاطي السرنجات :D
مش السرنجات بس
السرنجات دي هي الوسيلة اللي يوصل بيها للحاجة

كل يوم بمعدل 10 مثلا يوميا يدخلوا الصيدلية ليطلبون السرنجات
طب ما عادي يعني ...يطلبوا وليهم حق اننا نلبيلهم طلباتهم
بس اللي مش عادي انهم بيطلبوا سرنجات وأمبول مياه بتاع الحقن...مش عشان يعملوا reconstitution of antibiotic
لا يا جماعة :D
عشان يعملوا ريكونستيتيوشن للمخدرات

والله لو عملت احصائية هنلاقي ان في نصف الشعب بقى سرنجاتي
أكترهم من الشباب
بس المصيبة ان في اطفال وفي كمان ناس كبار يعني ما فوق الخمسين

مهزلة...مش كده

سؤال بقى بطرحه على نفسي وعلى الجميع
لماذا أصبح الشعب سرنجاتي؟؟؟
هل العيب فينا؟
هل انعدام الهدف؟
أم انعدام وسائل المعيشة؟
أم هي خطة مدبرة لتضليل الشعب؟؟

وإلى متى سنظل سرنجاتية؟؟؟


تنويه صغير:
أنا ضد السرنجاتيه ومش بديلهم حاجة :D
بس حاسة انهم هيقتلوني قريب :D

تعليقات

  1. مشخبطاتي3 مارس 2010 في 1:10 م

    السلام عليكم..

    علكم اكثر عرضة لذلك منا لأنكم تلتقون بهم كثيراً..!

    شخصياً كل ما أعرفهم يتعاطون المخدرات في سجاير لف ولأن عمي صاحب محل وبيبغ الورق اللف فأنا عارفهم بالواحد..!

    اما ليه أصبحنا كده فدي حالة من حالات الشذوذ الفطري وزي السرنجاتي ح نلاقي الحشاش والبنيج وبتاع الخمرة والربوي والنصاب..إلخ تلك الحالات..فالبعد عن الخوط التي رسمها الله لخلقه حتى يسيرون عليها تركوها وساروا في غيرها فكان ماكان مما نراه ..!


    تحياتي..وربنا يسترها عيكم منهم !
    :)

    ردحذف
  2. غير معرف3 مارس 2010 في 2:26 م

    دى حاجه ترجع للفرد نفسه بس احنا فى وقت نشك فيه فى اى حاجه ... ممكن فعلا اللى جاى دى مش سرنجاتى وده الغالب وممكن يبقى سرنجاتى .. هنحتار كده بس ملاحظه حلوة وحرصا على حياتك خليها ماشيه زى ما هى ....
    دى مش هتتسرق بقى

    ردحذف
  3. وصف الاحساس4 مارس 2010 في 7:40 ص

    من الهم ال الناس فيه
    هو احنا هنلاحق علي ايه ولا ايه
    البني ادم بقي رخيص بهواه ولا بغيره
    سيبيه ينسي نفسه لحظة
    يمكن يسرح يفتكر انه لسه بني ادم ولسه انسان
    بس خلاص منعونا نحلم وننام
    حتي الحلم مابقاش في امان
    خافي علي نفسك
    احنا عايزينك
    تحياتي

    ردحذف
  4. still-searching6 مارس 2010 في 2:03 م

    مشخبطاتي
    للأسف الفساد استشرى في كل شئ
    ووصل لدماغ الشباب
    ربنا يسترها على شبابنا

    غير معرف
    ده بيعتمد غالبا على المنظر
    يعني لو المنظر خدع الواحد يبقى خلاص لينا عذرنا
    لكن لما بيكون المنظر واضح
    يبقى لا بقى والف لا

    وصف الاحساس
    بيتهيألي مش حجة اننا عايزين ننسى فنبقى مغيبين
    ربنا يهدي الجميع
    ويسترها معانا

    ردحذف

إرسال تعليق

لا تبخل برأيك

المشاركات الشائعة من هذه المدونة

حلم محلمتوش

-
صورة
ساعات ببان أقوى لكن بقوى على نفسي وبستقوى على حلمي اللي محلمتوش وبستقوى عليه يمكن يفوت مرة وينساني لكنه رغم أحزاني حلف هيكون في يوم مني  وأنا منه ....بعيد لكن في وجداني قريب جايز ....يقوي فيا إيماني يإني هكون  زي ما كنته  في حلمي اللي لسه محلمتوش
قراءة المزيد

أحلام هاربة

-
صورة
بقالي كتير جدا بعيد عن مدونتي وعارفة اني مقصرة معاها جامد إيقاع الحياة بقى سريع جدا.....  لدرجة إن الواحد مبقاش فاضي يقعد مع نفسه ولو خمس دقايق ....  بس رغم الايقاع السريع دا لسه جوانا أحلام ليها حق تاخد مساحة في خيالنا سواء كنا صاحيين او نايمين .....  أحلام مؤجلة مستحيلة أو قابلة للتحقيق .....  أحيانا يطغى عليك حلم على حلم تاني قديم .....  تهتم اوي بالحلم الجديد وتغذيه وترويه بالأمل والتفاؤل....  وفجأة تلاقي حلمك القديم بيلاعب أفكارك بس مش عشان ترويه لأ عشان تتحسر عليه لأنه بيضيع من بين ايديك .....  مش معنى انك تهتم بحلم جديد ان الحلم القديم يموت.....  حاول توازن بين أحلامك عشان تحقق أكبر قدر منها
قراءة المزيد

ماذا لو كان ما تبحث عنه لا يبحث عنك؟!

-
صورة
  يقال أن ما تبحث عنه يبحث عنك   كيف وقد أمضيت العقد والنصف من عمري وأنا أبحث لكن دون جدوى ونحن نموت في انتظار تلك الأشياء التي لم تحدث  وهذا الغريب الذي لم يهتدِ إلى السبيل  لحظات الانتظار والبحث هي كما نرى في رسم القلب  من مرتفعات نتيجة لخفقانه بشدة ؛نبحث بما أوتينا من عزم لكن سرعان ما يأتينا الخذلان بنشوة الانتصار  العمر يمر بسرعة الريح لا أفهم ماذا تعني تلك السنوات هذا العقد الذي مر ولم يغير من ملامحي شيئا  عندما أنظر إلى تلك المرآة لا أرى سوى تلك الفتاة التي لم تكبر بعد ؛لكن بنظري للآخرين أدرك أن الوقت يمر فالأطفال يشبون والشباب يشيخون أما عني فأنا لا أعترف بغير تلك الفتاة التي أراها في المرآة أدركت الآن أن العمر قد مر وأني ينبغي عليّ أن أتوقف عن البحث      ........ فما أبحث عنه لا يبحث عني  
قراءة المزيد