الجمعة، 6 يناير، 2012

حلم الشهيد





لساك يا قلبي بتدور على الحلم
اللي مات جواك من مية سنة
لساك بتسأل مين أنا
لساك تتهته في الكلام
لساك بتحبي وفي المنام....
... تطير مع سرب الحمام
لساك يا حلم متداري في حضن الالم
لساك بتصرخ من سكات كما الصنم
لساك بتصرخ م الأنين...
وتقول كان يوم وعدا....وياه سنين
مشتاق يكون لك يوم صدا
تقسم برب الناس...مهما طال بيك المدى
لاجل التراب...هتموت فدا
هتموت عريس وفي حضنك الضحكة مستشهدة

هناك 6 تعليقات:

  1. تقريبا معظمنا بيمر بحالات الاختفاء والظهور في توقيت متقارب..!!
    المهم ان الكل يكون بخير..
    لاننا بنغيب نغيب.. ونرجع لبيت واحد دافي بيضمنا اسمه Blogger
    كل سنة جديدة وانت طيبة :)

    ردحذف
  2. ربنا يرحم كل شهيد ويصبر اهله.. اهلنا كلنا.

    ردحذف
  3. ليه كده لسه الحياه قدامك
    ما تحمليش نفسك فوق طاقتك
    اﻻيام مش بتقف تستني حد
    ما تتعبيش قلبك معاها
    ربنا يسعدك ويوفقك
    تحياتي

    ردحذف
  4. فينك من زماااااااااان...؟؟
    يا رب تكوني بخير..
    كل سنة وانت طيبة.

    ردحذف
  5. تيمو والله وحشتني المدونة جدا ووحشتني مدونتك :)
    بس عندي حالة فقر تدويني بعيد عنك

    كل سنة وانت بخير :)

    ردحذف

لا تبخل برأيك