مسجون

-



يا طير يا مقهور
جوة عش من الحرمان
لامتى هتهون عليك دنيتك
لامتى هتفضل تقاسي غربتك
لامتى هتدوق طعم الهوان

عرفاك بتصرخ...
بتنفض ريشك
نفسك تعيش الحياه..
مش هي اللي تعيشك
نفسك تاخد حسابك...
مش ترضى ببقشيشك

مسجون جوة القفص...
برة القفص مسجون
جوة القفص مخنوق
برة القفص مدبوح
فاكر ملكت الكون؟؟!!
لكن فقدت البوح
أما صحيح مسجون
أما صحيح مجنون

تعليقات

  1. مجرد حلم صغنتوت16 يوليو 2010 في 3:40 م

    مسجون جوة القفص...
    برة القفص مسجون
    جوة القفص مخنوق
    برة القفص مدبوح
    فاكر ملكت الكون؟؟!!
    لكن فقدت البوح
    أما صحيح مسجون
    أما صحيح مجنون

    :|
    ليه كده يا لولو
    الحتة دي ملهاش حل.. عاجباني جداااا
    تحسي انها لامساني كده
    فظيعة :(

    ردحذف
  2. غير معرف18 يوليو 2010 في 2:46 م

    ده كلام سياسه ولا ايه .......
    بس بجد اقل كلام واسهل اسلوب يوصف
    رائع ولو كان نفسى تكبر شويه
    عجبانى حتة نفسك تعيش الحياة ... مش هى اللى هتعيشك

    ردحذف
  3. رحــــيـل25 يوليو 2010 في 1:52 م

    جميلة يا الاء استمرى

    وكل ما هتكتبى اكتر كل ما هتطلعى حاجات اجمل واجمل
    :)
    سعيده انى قابلتك مع ان احنا مالحقناش نحكى سوا

    ردحذف
  4. still-searching27 يوليو 2010 في 8:47 ص

    معلش يا دودو كل شوية نقلب المواجع كده :S

    غير معرف:
    لا مش سياسة
    ولو انها ممكن تقلب على كده
    انا كمان كان نفسي تبقى طويلة
    بس هي وقفت عند كده وقالت خلاص :D
    شكرا على المتابعة المستمرة :)

    رحيل
    اول زيارة ليكي
    المفروض كنت افرش الارض رمل وورد :)
    تسلمي يا جميل
    انا برده سعيدة جدا اني قابلتك
    وان شاء الله نحكي سوا في اللقاءات القادمة :)

    ردحذف
  5. أحمد الصعيدي7 أغسطس 2010 في 12:50 ص

    السلام عليكم ورحمة الله

    كل سنة وانتي طيبة

    ردحذف
  6. Tamer Moghazy12 أغسطس 2010 في 11:33 ص

    كل سنة..
    وكل رمضان.
    وانت بكل الخير والسعادة
    (';')

    ردحذف
  7. still-searching16 أغسطس 2010 في 10:15 ص

    أحمد الصعيدي
    رمضان مبارك عليك وعلى الجميع
    وكل سنة وانت بألف خير

    تيموو
    كل سنة وانت طيب وبألف خير :)

    شكرا انكو لسه فاكريني يا جماعة :)

    ردحذف

إرسال تعليق

لا تبخل برأيك

المشاركات الشائعة من هذه المدونة

حلم محلمتوش

-
صورة
ساعات ببان أقوى لكن بقوى على نفسي وبستقوى على حلمي اللي محلمتوش وبستقوى عليه يمكن يفوت مرة وينساني لكنه رغم أحزاني حلف هيكون في يوم مني  وأنا منه ....بعيد لكن في وجداني قريب جايز ....يقوي فيا إيماني يإني هكون  زي ما كنته  في حلمي اللي لسه محلمتوش
قراءة المزيد

أحلام هاربة

-
صورة
بقالي كتير جدا بعيد عن مدونتي وعارفة اني مقصرة معاها جامد إيقاع الحياة بقى سريع جدا.....  لدرجة إن الواحد مبقاش فاضي يقعد مع نفسه ولو خمس دقايق ....  بس رغم الايقاع السريع دا لسه جوانا أحلام ليها حق تاخد مساحة في خيالنا سواء كنا صاحيين او نايمين .....  أحلام مؤجلة مستحيلة أو قابلة للتحقيق .....  أحيانا يطغى عليك حلم على حلم تاني قديم .....  تهتم اوي بالحلم الجديد وتغذيه وترويه بالأمل والتفاؤل....  وفجأة تلاقي حلمك القديم بيلاعب أفكارك بس مش عشان ترويه لأ عشان تتحسر عليه لأنه بيضيع من بين ايديك .....  مش معنى انك تهتم بحلم جديد ان الحلم القديم يموت.....  حاول توازن بين أحلامك عشان تحقق أكبر قدر منها
قراءة المزيد

ماذا لو كان ما تبحث عنه لا يبحث عنك؟!

-
صورة
  يقال أن ما تبحث عنه يبحث عنك   كيف وقد أمضيت العقد والنصف من عمري وأنا أبحث لكن دون جدوى ونحن نموت في انتظار تلك الأشياء التي لم تحدث  وهذا الغريب الذي لم يهتدِ إلى السبيل  لحظات الانتظار والبحث هي كما نرى في رسم القلب  من مرتفعات نتيجة لخفقانه بشدة ؛نبحث بما أوتينا من عزم لكن سرعان ما يأتينا الخذلان بنشوة الانتصار  العمر يمر بسرعة الريح لا أفهم ماذا تعني تلك السنوات هذا العقد الذي مر ولم يغير من ملامحي شيئا  عندما أنظر إلى تلك المرآة لا أرى سوى تلك الفتاة التي لم تكبر بعد ؛لكن بنظري للآخرين أدرك أن الوقت يمر فالأطفال يشبون والشباب يشيخون أما عني فأنا لا أعترف بغير تلك الفتاة التي أراها في المرآة أدركت الآن أن العمر قد مر وأني ينبغي عليّ أن أتوقف عن البحث      ........ فما أبحث عنه لا يبحث عني  
قراءة المزيد